«Быццам пабыла ў сучасным прыгарадзе». Велавандроўка ў старую частку вёскі Заполле Слуцкага раёна

Напярэдадні Купалля, раніцай, у ліпеньскую спякоту, зрабіла экскурсію на ровары. Пацікавілася, як выглядае вёска Заполле Бокшыцкага сельсавета.

Ад «кальца» каля сельгасліцэя да заезда ў паселішча — 4,2 км па веладарожцы. Даехала за 20 хвілін.

Реклама

Зараз Заполле — гэта аграгарадок, які складаецца з трох частак, што аддзяляюцца адна ад адной трасай Р-23 і ракой Лешчанка. Адна частка знаходзіцца на заходнім баку ад трасы. Там размяшчаюцца школа, ФАП, лазня, швейная майстэрня, магазін. Другая, якая бліжэй да Слуцка, — гэта старая вёска Заполле. Менавіта па ёй адбылася экскурсія. Трэцяя частка (былыя Дзесяціны) знаходзіцца на правым беразе рэчкі Лешчанка.

Велавандроўка ў старую частку вёскі Заполле Слуцкага раёна
Прыпынак прыгарадных аўтобусаў. Фотаздымкі: Святлана Праўдзінская

Вёска Заполле з’явілася на мапе ў XX стагоддзі. Вядома яна з 1921 года як хутар Забалацкай воласці Слуцкага павета Мінскай губерні. Спачатку тут было 3 двары і 17 жыхароў. У 1927 годзе сюды перасялілася частка жыхароў з Бокшыц. У 1959-м тут ужо было 2 населеных пункта: пасёлак Новае Заполле (180 чалавек) і вёска Старое Заполле (90 чалавек). У 1969 годзе да Заполля далучылі вёску Дзесяціны, якая знаходзіцца на другім беразе Лешчанкі.

Велавандроўка ў старую частку вёскі Заполле Слуцкага раёна
Дом на вуліцы Новай

Калі заехаць у вёску Заполле з боку Слуцка, першы дом на вуліцы Новай – будынак сучаснага прыватнага прадпрыемства «Слуцкие окна».

Велавандроўка ў старую частку вёскі Заполле Слуцкага раёна
«Слуцкие окна»

Вуліца Новая – заасфальтаваная, спраектаваная па правілах. Двары і хаты дагледжаныя. Ёсць драўляныя будынкі. Многія гаспадары зрабілі сучасны еўрарамонт.

Велавандроўка ў старую частку вёскі Заполле Слуцкага раёна
Сучасны будынак на вуліцы Новай

Пад’язджаю да фермы. Каровы як раз дружна харчаваліся кармамі. Хутчэй за ўсё, яны на стойлавым утрыманні.

Велавандроўка ў старую частку вёскі Заполле Слуцкага раёна
Каровы на ферме

Блізка знаходзіцца канюшня. Ці ёсць там жывёлы, не зразумела. Але блізка пасвіліся два кані. Вось такая яна Новая: ад прыватнага прадпрыемства да фермы.

Велавандроўка ў старую частку вёскі Заполле Слуцкага раёна
Будынак канюшні

Па асфальце заехала на Зялёную. Хутчэй за ўсё, гэтая вуліца і стала пачаткам паселішча і называлася Старое Заполле. Двары і хаты тут таксама прывабныя.

Велавандроўка ў старую частку вёскі Заполле Слуцкага раёна
«Еўрадвор» на Зялёнай
Велавандроўка ў старую частку вёскі Заполле Слуцкага раёна
Традыцыйны двор на Зялёнай
Велавандроўка ў старую частку вёскі Заполле Слуцкага раёна
Брама з багоўкамі на Зялёнай

Яшчэ ёсць невялікая вуліца Савецкая. Яна кароткая і непрыкметная.

Агульнае ўражанне ад вёскі Заполле — быццам пабыла ў сучасным прыгарадзе з прыватнымі забудовамі.