Адметныя даты ў гісторыі Слуцка і суседніх раёнаў (чэрвень-2022)

0
Слуцкі тэатр Радзівіла. Як гэта было, Слуцк
Тэатры Радзівілаў. Макет Нясвіжскага тэатра, які, у адрозненне ад Слуцкага, праіснаваў больш за 50 гадоў (1740—1791 гг.).  Фота з сайта museums.by

Адметныя даты ў гісторыі Слуцкага, Салігорскага, Капыльскага, Любанскага і Старадарожскага раёнаў.

8 чэрвеня

  • 15 гадоў з часу правядзення (8–10 чэрвеня 2007) у Слуцку духоўна-асветніцкай праграмы «Сям’я – яднанне і любоў» з удзелам Мітрапаліта Мінскага і Слуцкага Філарэта, Патрыяршага Экзарха ўсяе Беларусі.

10 чэрвеня

  • 100 гадоў з дня нараджэння Паўла Корзуна (в. Лучнікі Слуцкага раёна, 1922–?), расійскага вучонага-медыка, кандыдата медыцынскіх навук, удзельніка Вялікай Айчыннай вайны.

13 чэрвеня

  • 320 гадоў з дня нараджэння Міхаіла Казіміра Радзівіла Рыбанькі (1702–1762), дзяржаўнага і ваеннага дзеяча Вялікага Княства Літоўскага, мецэната, уладара Слуцка ў 1760–1762, заснавальніка Слуцкай персіярні.
  • 25 гадоў з часу правядзення (1997) у Слуцку ўстаноўчых канферэнцый раённай і гарадской арганізацый Беларускага патрыятычнага саюза моладзі (цяпер Беларускі рэспубліканскі саюз моладзі).

14 чэрвеня

  • 25 гадоў з часу стварэння (1997) у Слуцку гарадскога моладзевага цэнтра.

16 чэрвеня

  • 75 гадоў з дня нараджэння Альберта Міхайлава (г. Старыя Дарогі, 1947–2010), паэта.

18 чэрвеня

  • 90 гадоў з дня нараджэння Галіны Барташэвіч (г. Слуцк, 1932), фалькларысткі, доктара філалагічных навук, лаўрэата Дзяржаўнай прэміі Беларусі.

23 чэрвеня

  • 75 гадоў з дня нараджэння Георгія Лосіка (в. Леніна Слуцкага раёна, 1947), вучонага ў галіне біякібернетыкі, псіхолага, доктара псіхалагічных навук.

28 чэрвеня

  • 100 гадоў з дня нараджэння Івана Кудраўцава (в. Сіцянец Салігорскага раёна, 1922–2004), пісьменніка, крытыка, літаратуразнаўца.

29 чэрвеня

  • 70 гадоў з дня нараджэння Мікалая Калядкі (г. Любань, 1952), дырыжора, заслужанага дзеяча мастацтваў Беларусі.

Усе адметныя даты за мінулыя месяцы — тут.

Реклама