99 гадоў Слуцкаму паўстанню. Калі ў горадзе пройдзе мітынг

Мінскі аблвыканкам дазволіў Кансерватыўна-Хрысціянскай Партыі БНФ шэраг мерапрыемстваў, прысвечаных ушанаванню памяці герояў Слуцкага збройнага чыну, паведамляе «Радыё Рацыя».

Адзначэнне адбудзецца ў нядзелю, 1 снежня, у некалькіх населеных пунктах Мінскай вобласці:

• У мястэчку Грозава (Капыльскі раён) мітынг адбудзецца з 11.00 да 11.40, у Семежава — з 12.00 да 13.00.
• У мястэчку Чырвоная Слабада (Салігорскі раён) — з 13.30 да 14.30.
• У Слуцку асноўная частка мерапрыемства (мітынг) адбудзецца з 15.00 да 16.30.

Аб гэтым распавёў Юрась Беленькі, намеснік старшыні партыі.

Па яго словах, ушанаванне паўстанцаў з’яўляецца традыцыйным мерапрыемствам, якое Кансерватыўна-Хрысціянская Партыя БНФ праводзіць ужо шмат гадоў.

Раней: 99 лет Слуцкому восстанию. Хроника событий