У «Сарэнта» пройдзе ток-шоу для мясцовых актывістаў

У чацвер, 19 кастрычніка, у 18.30 у кафэ-піцэрыі «Сарэнта» адбудзецца ток-шоу «Гарадскі актывіст. Хто ён: вар’ят ці выратавальнік?» Размова адкрытая для ўсіх жадаючых без абмежаванняў ва ўзросце і прафесіі.

Кампанія «Будзьма беларусамі!» разам з Цэнтрам даследавання грамадскага кіравання «Сімпа» і газетай «Інфа-Кур'ер» запрашае случчан да сумеснага абмеркавання і пошуку крэатыўных ідэй падчас ток-шоу.

На сустрэчы будуць падымацца такія пытанні, як:

• Што такое гарадскі актывізм, каму і навошта ён патрэбны?
• Як складваецца сітуацыя з гарадской актыўнасцю ў Слуцку?
• Які патэнцыял маюць мясцовыя ініцыятывы і як эфектыўна іх выкарыстаць?
• Як узаемадзейнічаць з гарадскімі ўладамі, каб пачулі?
• Як заахвоціць жыхароў Слуцка больш актыўна ўдзельнічаць у жыцці горада?

Сваім досведам падзеляцца госці:

1. Антон Матолька (Мінск) — гарадскі актывіст, аўтар праекта #мотолькопомоги для вырашэння лакальных праблем.
2. Марына Корж (Слуцк) — трэнер і кансультант па развіцці мясцовых супольнасцяў «Офіса еўрапейскай экспертызы і камунікацыі».
3. Вікторыя Капская (Слуцк) — карэспандэнт газеты «Інфа-кур'ер», асвятляе тэму грамадзянскага актывізму на старонках выдання.

Таксама на ток-шоу будуць афіцыйна запрошаны прадстаўнікі мясцовай улады.

Даведкі па тэлефоне (8 029) 712 18 03 ці razam@budzma.org