Праграма фестывалю сучаснага мастацтва «ДАХ»

Запрашаюць 20-21 жніўня пагуляць у Ляхавічах на фэсце ў гонар Тадэвуша Рэйтана.

Грушаўка – гэта невялічкая вёска ў Ляхавіцкім раёне, якая мае даўнюю і слаўную гісторыю. Менавіта яна цягам амаль чатырох стагоддзяў з’яўлялася родавым гняздом рыцарскага роду Рэйтанаў. Менавіта ў ёй прайшлі першыя і апошнія хвіліны жыцця найвядомага яго прадстаўніка — Тадэвуша Рэйтана, якога сёння справядліва лічаць нацыянальным героем Беларусі. Усе, хто пабываў тут, адзначаюць непаўторную атмасферу гэтых мясцін, якія літаральна набрынялі высакародным духам гісторыі.

Старая шляхецкая сядзіба па-ранейшаму ў запусценні. Але мясцовыя ўлады і валанцёры з Арт-суполкі імя Тадэвуша Рэйтана намагаюцца хаця б раз на год напоўніць яе жыццём.

20-21 жніўня ля старадаўняга палаца ўжо ў чацвёрты раз адначасова пройдуць адразу два фэсты: свята традыцыйнай культуры «З крыніц спрадвечных», дзе будуць прадстаўлены найлепшыя праявы народнай творчасці Ляхавіцкага раёну (песні, танцы, рамёствы, кухня), і фестываль саверсізма і ігдрасілізма ДАХ-ХХХІ «РЭЙТАН».

Надзвычай насычаная праграма, якая будзе праходзіць адначасова на некалькіх пляцоўках, абяцае задаволіць густы самай рознай публікі.

Прыкладам, у першы дзень, апрача музыкі і забаў, плануюцца таксама рыцарскія і шляхецкія танцы і двубоі ад праектаў «Полацкі звяз» і «Эпоха Міхала Клеафаса», майстар-класы па лінагравюры Змітра Шапавалава і беларускіх фальклорных танцаў ад «На Таку», курсы «Мова нанова» з Юляй Траццяк, экскурсія па зорным небе ад Цімоха Авіліна, кінапаказ стужак міжнароднага фестывалю кароткаметражных фільмаў “Cinema Perpetuum Mobile”, а таксама стужак рэжысёра Алены Ясінскай, тэматычна звязаных з Грушаўкай.

Другі дзень спалучыць праявы сучаснай і традыцыйнай культуры. Перформансы будуць чаргавацца з фальклорнымі і сучаснымі спевамі ад Рамана Яраша, Юліі Літвінавай, ПАЦІ і  ETNA_BEAT,  а старадаўняя музыка ў выкананні ансамбляў «Archi» і «Brevis» – з імправізацыямі знакамітых эксперыментатараў Аляксея Варсобы («Port Mone») і Віталя Сямашкі.

Своеасаблівым фонам фестывальнай дзеі стане мастацкая выстава, што разгорнецца непасрэдна ля палаца Рэйтанаў. Удзел у ёй возьмуць самыя разнапланавыя творцы: Алесь Родзін, Анатоль Лабкоўскі, Святлана Бадак, Зьміцер Шапавалаў, а таксама сябры суполкі «Абуджэнне» — Яўген Шунэйка, Андрэй Лычкоўскі, Уладзімір Сайко.

У гэтыя дні ў закінутую сядзібу вернецца той культурны віхор, які віраваў там цягам стагоддзяў. На думку аднаго з куратараў фэсту Змітра Юркевіча, грамадская ўвага да гэтага каштоўнага помніка спадчыны можа паспрыяць кардынальнай змене яго лёсу – доўгачаканай рэстаўрацыі і пераўтварэнню ў музейны комплекс.

«Спадзяюся, прыйдзе той час, калі Грушаўка будзе функцыянаваць як культуры цэнтр не раз ад разу, а пастаянна, спрыяючы выхаванню патрытызму нашых грамадзянаў на прыкладзе такога адданага свайму краю нашага земляка, як Тадэвуш Рэйтан», — адзначыў ён.

Арт-суполка імя Тадэвуша Рэйтана+375 33 375 72 50

 

Удзельнікі фестывалю сучаснага мастацтва

20-21 жніўня — Мастацкая выстава:  Алесь Родзін, Зьміцер Юркевіч,  Зьміцер Шапавалаў, суполка «Абуджэнне» (Яўген Шунэйка, Андрэй Лычкоўскі, Уладзімір Сайко), Анатоль Лабкоўскі, Святлана Бадак і іншыя.

20 жніўня

  • 11.3012.00 – Урачыстае шыхтаванне і марш на сядзібу ўсіх удзельнікаў мерапрыемства. На сядзібе вітанне і прадстаўленне ўдзельнікаў публіцы.

Арт-суполка імя Тадэвуша Рэйтана:

  • 12.0014.00 – Майстар-клас па лінагравюры (вядзе мастак-графік  Зьміцер Шапавалаў). Падрыхтоўчы этап (16.0017.00 — працяг). Друк.
  • 14.0015.00 – Народны тэатр гістарычнага строя  «Полацкі зьвяз» (рыцарскія забавы, паедынкі на мячах і шм. інш.). Мастацкая выстава і сувеніры ад этнакрамы «РАГНА».
  • 15.0015.30 – Анімацыйная праграма ад гістарычнага танцавальнага праекта «Эпоха князя Міхала Клеафаса» (танцы, двубоі на шаблях).
  • 15.3016.00 – Танцпляцоўка. Капэля «На Таку» (Мінск). Майстар-клас  народных танцаў.
  • 17.0018.20 –  Сядзібны падворак.  Сучасныя курсы «Мова нанова» (вядучая Юля Траццяк, Баранавічы).
  • 18.2019.00 – Сядзібны падворак. Лекцыя «Экскурсія па зорным небе» (вядучы Цімафей Авілін, Мінск).
  • 19.0019.40 – Сядзібны падворак. Лекцыя “Род Рэйтанаў. Тадэвуш Рэйтан і ягоны час” (вядучы Зміцер Юркевіч, Мінск).
  • 20.0022.00 – Сядзібны падворак. Кінапаказ ад міжнароднага фестывалю кароткаметражных фільмаў Cinema Perpetuum Mobile (Мінск).
  • 19.0022.00 – Ляхавічы. Этна-дыскатэка (танцы Кракавяк, Падыспан, Геспансер, Гапак, Карапет, Ойра, Лявоніха, Акуліна, Базар, Таўкачыкі, Каханачка).

21 жніўня

12.0022.00

Музычны блок:

  • Юлія Літвінава (в. Вялікая Дайнава Валожынскага раёна)  і Раман Яраш (Беразіно) — спевы жнівеньскія бяседныя;
  • ПАЦІ (Цімох Авілін, Павал Сілівончык, Р.Я.) — песні сядзібных рамантыкаў;
  • Raman Jaraš;
  • Віктар Сямашка і К — імправізацыйны сэт;
  • ETNA_BEAT — беларускія спевы з ужываннем тэхнік beatboxing і live looping;
  • Аляксей Варсоба (Port Mone, Agata) — акардэаніст, кампазітар, постмінімалізм;
  • Archi — народны струнны ансамбль;
  • Brevis — ансамбль старажытнай музыкі.

Перформанс:

  • Юрась Барысевіч;
  • Суполка  Экзарцыстычны Gesamtkunstwerk.

Плануецца арніталагічная экскурсія, якую правядзе  Дзяніс Табуноў, старшыня Брэсцкага абласнога аддзялення грамадскай арганізацыі «Ахова птушак Бацькаўшчыны», а таксама выраб і развеска шпакоўняў і сінічнікаў.

20.0022.00 – Кінапаказ.

Запрашаем на фестываль!

Последние новости

Со стипендии девушки списали долг по «коммуналке» отца, который должен ей 21 тысячу рублей алиментов

Необычная ситуация разворачивается в Гродненской области. Тщательное исполнение законов со стороны контролеров привело к такой…

7 часов назад

«На 350 рублей пенсии не проживёшь». Как минчанка торгует цветами на Комаровке

В этом году цветы подорожали: самый обычный букет пионов на Комаровке стоит в среднем 15—20…

11 часов назад

Что происходит с нашим мозгом, когда мы не общаемся с людьми

Чтобы чувствовать себя хорошо, практически всем людям нужно хотя бы иногда посещать фестивали, праздники и…

1 день назад

«Ковидные» надбавки отменят, но зарплаты вырастут: в Беларуси с 1 июля меняется оплата труда для медиков

У белорусских медиков появятся новые стимулирующие выплаты, сообщает 1prof.by. (далее…)

1 день назад

За прошедшие 5 месяцев в Беларуси построили 16,2 тыс. новых квартир

В Беларуси в январе – мае 2022 года организациями всех форм собственности построено 16,2 тыс.…

1 день назад

74% белорусов предпочитают проводить отпуск в своём городе или на даче из-за отсутствия финансовых возможностей

Команда Picodi.com провела в июне 2022 года интернет-анкетирование на тему, где белорусы проводят отпуск. (далее…)

1 день назад