Лачо дзівес. Праграма падтрымкі для ромаў, якія перажылі генацыд

Ромы ва Усходняй Еўро­пе, асабліва тыя, якія перажы­лі нацысцкі пераслед, жывуць у беднасці і выключаны з жыцця грамадства. На працягу многіх гадоў Фонд EVZ («Памяць, адказнасць і будучыня») падтрымлівае праекты па аказанні гу­ма­­ні­тарнай дапамогі ромам, якія нарадзіліся да 1945 г., у некалькіх усходнееўра­пейскіх краінах.

Рэалізоў­ваю­чы праграму «Лачо дзі­вес!», Фонд мае намер узмацніць сваю дзейнасць на карысць гэтай мэтавай групы і пашырыць пад­трымку праектаў на іншыя ўсходнееўрапейскія краіны. Першы конкурс заявак арыентаваны на рускамоўных заяўнікоў, якія прадстаўляюць гра­мадс­кія арганізацыі з Бе­ларусі, Латвіі, Літвы, Мал­довы, Расіі, Украіны і Эстоніі.

Апошні тэрмін падачы заявак — 31 жніўня 2016 г.

Больш падрабязная ін­фар­мацыя знаходзіцца на сайце Фонду EVZ.

Мэты праграмы

• Садзейнічаць росту павагі да лёсаў, якія перажылі генацыд.
• Палепшыць іх сацыяльнае становішча і здароўе пры дапамозе забеспячэння ім доступу да ўжо існуючых сацыяльных і медыцынскіх паслугаў, пры дапамозе дыялогу пакаленняў спрыяць іх грамадскай актывізацыі.
• Праз адпаведную падтрымку палегчыць бядотнае матэрыяльнае стано­вішча пажылых ромаў і іх сем`яў.
• Спрыяць развіццю гра­мадскіх ромскіх арганізацый, падтрымлі­ваць валанцёрскую дзейнасць маладых ромаў і прыцягнуць да яе ўвагу грамадства.
• Тым самым унесці ўклад у грамадскае прызнанне ромаў і іх ўключэнне ў грамадства большасці.

Пасольства Федэратыўнай Рэспублікі Германія ў Мінску