Гліняны цуд паказалі ў Салігорску

0
Навумовіч Ілля, студыя «Скарбонка», педагог Пратасеня Аляксей. Вучань 6-га класа, школа №10 Салігорска. Фота: Уладзімір Амяльчэня
Навумовіч Ілля, студыя «Скарбонка», педагог Пратасеня Аляксей. Вучань 6-га класа, школа №10 Салігорска. Фота: Уладзімір Амяльчэня

У Салігорскім цэнтры творчасці дзяцей і моладзі 4−5 снежня працаваў фестываль-выстава «Гліняны цуд», які арганізаваў Мікалай Пратасеня, кіраўнік студыі «Скарбонка». У фестывалі ўдзельнічалі больш за 30 знакамітых і яшчэ малавядомых майстроў з Мінскай, Магілёўскай і Віцебскай абласцей.

На свята прыехалі і навукоўцы: Яўген Сахута, доктар мастацтвазнаўства, старшыня Беларускага саюза майстроў народнай творчасці, Любоў Раманенка, кандыдат педагагічных навук, дацэнт, загадчык кафедры «Педагогіка» Мінскага гарадскога інстытута адукацыі, а таксама прадстаўнікі з Міністэрства адукацыі РБ.

«Гліняная цацка, як і іншыя вырабы з гліны, былі шырока распаўсюджаны на Беларусі. Але за савецкі час гэтыя рамёствы загублены, — адзначыў у сваёй прамове на адкрыцці фестывалю Яўген Сахута. — Наша шчасце, што знайшліся аматары, якія дабіліся высокага мастацтва, прафесіяналізма ў час, калі Беларусь стала самастойнай дзяржавай. На свеце няма дзяцей, якія не жадаюць зляпіць сабе цацку, і добра, што ёсць яшчэ дарослыя, якія здольны дапамагчы ў гэтым».

Яўген Сахута і Аляксей Пратасеня ў размове аб праблемах глінянай цацкі. Фота: Уладзімір Амяльчэня
Яўген Сахута і Аляксей Пратасеня ў размове аб праблемах глінянай цацкі. Фота: Уладзімір Амяльчэня
На фестывалі знакамітыя майстры праводзілі майстар-класы і паказвалі прымяненне старадаўніх тэхналогій у сучасных умовах пры вырабе дэкаратыўна-прыкладнога мастацтва ў творчасці дарослых і дзяцей.
Студыйцы «Скарбонкі». На заднім плане Аляксандр Кірычак і Аляксей Пратасеня. Фота: Уладзімір Амяльчэня
Студыйцы «Скарбонкі». На заднім плане Аляксандр Кірычак і Аляксей Пратасеня. Фота: Уладзімір Амяльчэня
Кожны ўдзельнік прывёз з сабою калекцыю гліняных цацак, каб журы магло вызначыць ступень мастацтва і накірунак працы ўдзельніка. Ацэньваліся работы ў васьмі намінацыях: традыцыйная народная цацка; цацка-бразготка; сучасная цацка; сюжэтная (кампазіцыйная) цацка; цацка, выканая на ганчарным станку; цацка-птушка; цацка-жывёліна; цацка-макет архітэктурнага характару.
Так працавалі на старынным станку. Паказвае Бандаравец Максім, Салігорскі коледж. Фота: Уладзімір Амяльчэня
Так працавалі на старадаўнім станку. Паказвае Бандаравец Максім, Салігорскі каледж. Фота: Уладзімір Амяльчэня
Усе ўдзельнікі фестывалю былі ўзнагароджаны дыпломамі. Пасля заканчэння працы запусцілі ў неба гліняную цацку.

Реклама

Уладзімір Амяльчэня

Цудоўныя гукі выдавала цацка бабруйскага майстра Юрыя Боўда. Фота: Уладзімір Амяльчэня
Цудоўныя гукі выдавала цацка бабруйскага майстра Юрыя Боўда. Фота: Уладзімір Амяльчэня
У неба ўзлятае гліняная цацка. Фота: Уладзімір Амяльчэня
У неба ўзлятае гліняная цацка. Фота: Уладзімір Амяльчэня
0 комментариев
Межтекстовые Отзывы
Посмотреть все комментарии