Спектакля не будзе. У Слуцку адменены паказ фельетона «Аб ключах, дзвярах і доўгіх насах»

Адменены паказ фельетона «Аб ключах, дзвярах і доўгіх насах». Пастаноўку рыхтаваў Слуцкі народны тэатр драмы і камедыі «Папараць-кветка». Яна павінна была адбыцца ў ГДК у Міжнародны дзень тэатра, 27 сакавіка.
Аб адмене стала вядома сёння, за тры дні да спектакля. Аднак афішы каля ГДК яшчэ запрашаюць на паказ. У білетнай касе пратлумачылі, што адмянілі спектакль з-за хваробы акцёра.

Напярэдадні карэспандэнт «ІК» паразмаўляла з Дзмітрыем Шуманіным, рэжысёрам тэатра і аўтарам фельетона.

Ён распавёў: «Фельетон раскажа пра будні работнікаў культуры. Але нягледзячы на гэта, ён прызначаны для масавага гледача. У аснову сюжэта лягла казка «Бураціна». «Ёсць казка «Пінокіа», а ёсць «Бураціна». Аднак фельетон не падобны ні на адну з іх».

На якую дату перанясуць спектакль і ці пакажуць яго наогул, невядома.

Анастасія Арлоўская

Раней:

• Слуцкий театр покажет авторский фельетон «О ключах, дверях и длинных носах»
• Режиссёры двух слуцких театров в утреннем ТВ-эфире: «Мы не используем розги при работе с актёрами»
• Слуцкий театр: планы и проблемы
• Заведующий дома культуры уволился из-за идеологии