Назаву дзіця па-беларуску (21-27 лістапада)

0

Прапануем вашай увазе аўтарскі праект случчаніна Сяргея Кіко «Назаву дзіця па-беларуску», у якім ён дае ўласную падборку імён, уласцівых менавіта для Беларусі.

Беларускія імяніны

  • 21 лістапада – Марыся (Марыя), Ян (Ясь), Яна, Усяслаў, Міхал, Павел
  • 22 лістапада – Міла, Алесь, Алеся, Алехна, Антось (Антош), Зміцер, Кастусь
  • 23 лістапада – Алесь, Алеся, Ганна, Янак, Кастусь, Мікола
  • 24 лістапада – Францішак, Ян, Бярута (Бярнат), Яўхім, Пракоп, Радзівон
  • 25 лістапада – Пятрусь, Уладзімер, Мацей
  • 26 лістапада – Ян, Яна, Яня (Яніна), Пятро, Антось (Антош), Антаніна
  • 27 лістапада – Дамінік, Валяр’ян, Сяржук, Ганна, Гая

Валяр’ян

Імя ўжываецца ва ўсіх краінах Еўропы амаль што без лексічных адрозненняў. Вядома, што яно выходзіць са старажытнарымскага патрыцыянскага роду Валерыяў (лац. Valerianus) і азначае нашчадка гэтага роду. У рымскай міталогіі яно з’яўляецца эпітэтам бога вайны Марса, а пераклад з латыні кораня слова «valeo» азначае здольнага да справы чалавека. У нашай культуры гэтае імя атрымала яшчэ такія формы, як Валеры і жаночае Лера.

Знакамітыя землякі

  • Валяр’ян Пратасевіч-Шышкоўскі (1509 – 1579) – дзяржаўны і рэлігійны дзеяч ВКЛ.
  • Валяр’ян Янушкевіч (1962*) – беларускі скульптар, аўтар шматлікіх памятных дошак і помнікаў.
  • Валяр’ян Станіслаў Юдзіцкі – вялікі пісар у княстве літоўскім.

 

Реклама
0 комментариев
Межтекстовые Отзывы
Посмотреть все комментарии