Назаву дзіця па-беларуску (7-20 лістапада)

0

Прапануем вашай увазе аўтарскі праект случчаніна Сяргея Кіко «Назаву дзіця па-беларуску», у якім ён дае ўласную падборку імён, уласцівых менавіта для Беларусі.

Беларускія імяніны

  • 7 лістапада – Антось (Антош), Антаніна
  • 8 лістапада – Зміцер, Севярын
  • 9 лістапада – Андрусь (Андруш)
  • 10 лістапада – Зміцер, Стэфан, Стэфанія, Андрусь, (Андруш), Лявон
  • 11 лістапада – Ганна, Марыся (Марыя), Мацей, Настасся (Анастасія)
  • 12 лістапада – Настасся, Вітаўт, Віта
  • 13 лістапада – Станіслаў, Аўгусціна, Мікола, Мікут, Ян (Ясь), Яна, Аркадзь
  • 14 лістапада – Эльжбета, Язэп, Марыся (Марыя), Паўлік
  • 15 лістапада – Гая, Галіна
  • 16 лістапада – Язэп, Язэпа
  • 17 лістапада – Захары
  • 18 лістапада – Томаш, Язэпа
  • 19 лістапада – Алесь, Алеся, Эльжбета, Паўлік, Севярын, Крыштоф, Барбара (Варвара)
  • 20 лістапада – Кірыла, Геранім

 

Кірыла

Мужчынскае імя, якое трапіла да нас з Візантыі разам з праваслаўнай верай. Раней больш ужывалася, але пераважна сярод праваслаўнага насельніцтва. У перакладзе на беларускую мову грэчаскае «кірылос» азначае «спадар» (як уладар).

Реклама

Знакамітыя землякі

  • Кірыла Тураўскі (? – 1113) – царкоўны дзеяч, займаў пасаду епіскапа тураўскага, аўтар шматлікіх царкоўных ды асветніцкіх твораў. Ён быў празваны Залатавустам.
  • Кірыл Тамашэвіч (1852 – 1909) – афіцыйны прадстаўнік Магілёўскае губерніі  ў дзяржаўнай думе Расійскай імперыі III склікання ад Магілёўскай губерні.
  • Кірыл Анікіевіч – краязнавец, археолаг і этнограф. Працаваў настаўнікам у народных вучылішчах.

 

Мацей (Матэй)

Мужчынскае імя раннехрысціянскага паходжання. Мае карані з грэчаскай мовы. Вымаўляецца «Мацауш» і перакладаецца як «дараваны Богам». У Беларусі раней гэтае імя было больш папулярным. Прысутнічае як у каталіцкай, так і ў праваслаўнай традыцыі.

Знакамітыя землякі

  • Мацей Радзівіл (1749 – 1800) — вялікалітоўскі дзяржаўны дзеяч, кампазітар, драматург.
  • Мацей Кавячынскі (1520 – 1572) – вялікалітоўскі кнігавыдавец, перакладчык, рэфармацыйны дзеяч.
  • Мацей Догель (1715 – 1760) – гісторык-архівіст, прававед.
  • Мацей Бутрымовіч (1745 – 1814) – падстараста і мечнік Пінскага павета, удзельнік Чатырохгадовага Сойму.

 

0 комментариев
Межтекстовые Отзывы
Посмотреть все комментарии