Назаву дзіця па-беларуску (31 кастрычніка — 6 лістапада)

Прапануем вашай увазе аўтарскі праект случчаніна Сяргея Кіко «Назаву дзіця па-беларуску», у якім ён дае ўласную падборку імён, уласцівых менавіта для Беларусі.

Беларускія імяніны

• 31 кастрычніка – Язэп, Антось (Антош), Аўгуста
• 1 лістапада – Cевярын, Анджэй, Андрусь
• 2 лістапада – Багдан, Багдана, Вацлаў
• 3 лістапада – Якуб
• 4 лістапада – Алесь, Алеся, Ганна, Альгерд, Мсціслаў, Віцень, Янка
• 5 лістапада – Ігнацы, Якуб
• 6 лістапада – Тройдзень

Севярын

Мужчынскае імя, якое трапіла на беларускія землі разам з каталіцтвам яшчэ ў сярэднявеччы. Трэба адзначыць, што ўжываецца яно ў цяперашні час не менш. Мае рымскае паходжанне ад лацінскага слова «северус» – суровы, сур’ёзны.

Знакамітыя землякі

• Эмерык-Севярын Чапскі (1828 – 1896) – наўгародскі віцэ-губернатар, санкт-пецярбуржскі віцэ-губернатар (1865 – 1867), калекцыянер, нумізмат.
• Севярын Ромер (1820 – 1885) – апошні маршалак шляхты Гродзенскага павета, паўстанцкі касір Гродзенскага павета.
• Севярын Квяткоўскі (1973*) –  беларускі літаратар, журналіст, блогер.