Назаву дзіця па-беларуску (19−25 верасня)

Прапануем вашай увазе аўтарскі праект случчаніна Сяргея Кіко «Назаву дзіця па-беларуску», у якім ён дае ўласную падборку імён, уласцівых менавіта для Беларусі.

Беларускія імяніны

• 19 верасня — Кірыла, Міхась (Міхал), Ян (Ясь), Яна, Макары
• 20 верасня — Барбара (Варвара)
• 21 верасня — Мік (Мікут), Бернат
• 22 верасня — Ганна, Язэп, Ігнацы (Ігнат), Томаш, Яўхім, Юзя (Язэпа)
• 23 верасня — Андрусь (Андруш), Паўлік, Пятрусь (Петраш), Багуслаў, Багуслава, Любарт, Крыштоф, Эльжбета
• 24 верасня — Зміцер, Сяржук, Марыся (Марыя)
• 25 верасня — Сямён, Юльяна, Вінцэсь (Вінцэнт), Францішак, Уладзь (Уладзіслаў), Франя (Ефрасіння)

Яўхім

Мужчынскае імя раннехрысціянскай традыцыі. У адрозненні ад рускай формы «Аким», беларускае вымаўленне запазычана з нямецкай ды скандынаўскай моваў. У перакладзе з іўрыта імя азначае «бог падымае» як надзея для тых, хто знаходзіцца ў палоне жыццёвых турбот і цяжкіх абставін.

Знакамітыя землякі

• Яўхім Карскі (1860 — 1931) — філолаг-славіст, заснавальнік беларускага навуковага мовазнаўства і літаратуразнаўства, этнограф, фалькларыст, палеограф.
• Яўхім Кіпель (1895 — 1969) — беларускі грамадскі і палітычны дзеяч, педагог, публіцыст.
• Яўхім Храптовіч (1729 — 1812) — грамадскі і дзяржаўны дзеяч Рэчы Паспалітай.
• Яўхім Кароль Патоцкі (? — 1791) — дзяржаўны дзеяч Вялікага Княства Літоўскага.
• Яўхім Лялевель (1786 — 1861) — польска-беларускі гісторык і грамадскі дзеяч.
• Яўхім Бялевіч (1888 — 1942) — дзеяч беларускага нацыянальнага руху.