Назаву дзіця па-беларуску (21 жніўня-18 верасня)

Прапануем вашай увазе аўтарскі праект случчаніна Сяргея Кіко «Назаву дзіця па-беларуску», у якім ён дае ўласную падборку імён, уласцівых менавіта для Беларусі.

Беларускія імяніны

• 21 жніўня — Францішак, Яна
• 22 жніўня — Алесь, Алеся, Антось (Антош), Зміцер, Ян, Марыя
• 23 жніўня — Піліп, Пятрусь (Пятро), Любарт
• 24 жніўня — Алехна, Галіна, Бартош, Яна
• 25 жніўня — Міхась (Міхайла)
• 26 жніўня — Вацлаў, Кастусь, Яна
• 27 жніўня — Язэп
• 28 жніўня — Яўхім, Аўгуштын
• 29 жніўня — Ян, Яна
• 30 жніўня — Паўлік, Гердзень
• 31 жніўня — Багдан, Раіна
• 1 верасня — Андрусь (Андруш), Браніслаў, Аўгуштын
• 2 верасня — Стэфан, Стэфанія, Багдан, Юліяна
• 3 верасня — Вінцэсь (Вінцэнт), Антось (Антош), Сымон, Зянон, Яўхім, Ян, Браніслаў
• 4 верасня — Ліля
• 5 верасня — Марыся (Марыя), Марак
• 6 верасня — Пятрусь (Петраш), Вінцэсь (Вінцэнт), Стэфан, Стэфанія, Якуб
• 7 верасня — Дамейка (Дамей)
• 8 верасня — Кірыла
• 9 верасня — Дамінік, Дамініка, Януш, Міла
• 10 верасня — Ганна, Віцень
• 11 верасня — Ян (Ясь), Яна, Алесь, Алеся
• 12 верасня — Алесь, Алеся, Марыся (Марыя), Мая, Гедымін
• 13 верасня — Пятрусь (Петраш), Піліп, Алехна
• 14 верасня — Сымон, Васіліна
• 15 верасня — Антось (Антош), Марыя
• 16 верасня — Якуб, Францішак
• 17 верасня — Францішак, Усцінія
• 18 верасня — Глеб, Язэп, Стэфанія

Францішак

Імя з’яўляецца усходнееўрапейскай формай імені Францыск. Яно абразаванае ад лацінскага імя Franciscus, што раней проста азначала прналежнасць да франкаў. Упершыню ў якасці асабістага імя зафіксавана ў XII ст., калі адзін італьянскі купец, узбагаціўшыся ад гандлю з Францыяй назваў сваё дзіця Франчэско. Пазней імя стала папулярна ва ўсей Еўропе, а нашая мова надала яму сваё асаблівае гучанне.

Знакамітыя землякі

• Францішак Багушэвіч (1840 — 1900) — беларускі грамадскі дзеяч, паэт, празаік, публіцыст і перакладчык. Адзін з пачынальнікаў новай беларускай літаратуры, яе класік.
• Францішак Аляхновіч (1883 — 1944) — беларускі драматург, тэатральны дзеяч, публіцыст.
• Францішак Кушаль (1895 — 1968) — беларускі вайсковы і палітычны дзеяч, публіцыст.
• Францішак Сапега (1772 — 1829) — дзяржаўны дзеяч Рэчы Паспалітай і Расійскай Імперыі.
• Францыск Скарына (1490 — 1551) — беларускі і ўсходнеславянскі першадрукар, асветнік-гуманіст, пісьменнік, грамадскі дзеяч, прадпрымальнік, вучоны-медык.