Назаву дзіця па беларуску (8−14 жніўня)

Прапануем вашай увазе аўтарскі праект случчаніна Сяргея Кіко «Назаву дзіця па-беларуску», у якім ён дае ўласную падборку імён, уласцівых менавіта для Беларусі.

Беларускія імяніны

• 8 жніўня — Кірыла
• 9 жніўня — Мікола, Янук, Дамінік, Дамініка
• 10 жніўня — Вацлаў (Вячаслаў)
• 11 жніўня — Кастусь, Міхал (Міхайла), Уладзімер, Лідзія
• 12 жніўня — Ян, Яна, Мацей, Юльяна
• 13 жніўня — Януш, Яня (Яніна)
• 14 жніўня — Алесь, Алеся

Вацлаў (Вячаслаў)

Імя мае старарусінскае паходжанне і складаецца з двух асноваў: «вяшчэ» — болей і «слаўны», з гэтага вінікае сэнс — «найслаўнейшы». Імя сустракаецца ва ўсіх еўрапейскіх культурах, але больш распаўсюджана ва ўсходняй еўропе. Ушаноўваецца як каталікамі так і праваслаўнымі. На Беларусі імя папулярна і зараз, часцей за ўсё сустракаюцца формы Вацлаў, Вячаслаў, Венцыслаў.

Знакамітыя землякі

• Вацлаў Ластоўскі (1883 — 1938) — беларускі грамадскі і палітычны дзеяч, пісьменнік, гісторык, філолаг, літаратуразнавец, этнограф.
• Вацлаў Іваноўскі (1880 — 1943) — беларускі палітычны і грамадскі дзеяч, доктар тэхнічных навук.
• Вацлаў Федаровіч (1848 — 1911) — краязнавец, калекцыянер, юрыст. Член карэспандэнт Кракаўскай АН.
• Венцлаў Агрыпа (? — 1597) — вялікі пісар літоўскі, кашталян менскі і смаленскі.
• Вячаслаў Кебіч (1936 — *) — беларускі палітык, першы прэм’ер-міністр Беларусі у перыяд з 1990 па 1994 гг.