Купалле ў «Зорцы»

У чароўную атмасферу купальскага свята акунуліся 93 адпачываючых, якія вабяць час у аздараўленчым лагеры «Зорка» (раён вёскі Вараб’ёва).

Хлопчыкі дзяцініліся каля вогнішча, дзяўчынкі рыхтаваліся да святочнай дыскатэкі (у той вечар яна была на вуліцы), надзявалі вянкі. Разам з выхавальнікамі вадзілі карагод пад купальскія песні. «Ура! Мы сёння будзем скакаць праз вогнішча! Клас! «, — радаваліся дзеці.

Яны запісвалі свае жаданні на паперках, кідалі іх у касцёр. Згарыць — значыць, збудзецца. Пяклі хлеб з салам на агні, шукалі папараць-кветку і проста выдатна праводзілі час.

Завяршылася Купалле скачкамі праз вогнішча.

Арганізатары свята: дырэктар лагера Наталя Чымбург, педагог-арганізатар Таццяна Змітровіч.

Вікторыя Капская