«Купалінка» вырашае праблемы жылля для ветэранау

У Салігорску работнікі фабрыкі “Купалінка” пачалі засяляць новы кааператыўны дом на 112 кватэр.

“Дзякуй дырэктару фабрыкі  Мікалаю Яфімчыку. Гэта ён дамогся, каб нашай фабрыцы дазволілі ўтварыць жыллёвы каператыў”, — расказвае Таццяна Грак, швачка прадпрыемства, маці двух дзяцей, якая атрымала ў новым жылым доме двухпакаёвую кватэру.

Па словах Валянціна Клішэвіча, старшыні прафкама “Купалінкі”, гэта першы дом прадпрыемства. “Аднак ён не вырашае нашых праблем, — адзначыў прафсаюзны лідар. – Паколькі ў новым доме няма аднапакаёвых кватэр, у старым інтэрнаце застаюцца жыць многія ветэраны нашага калектыву. Але, я спадзяюся, скора і яны атрымаюць добрае жыллё. Будынак інтэрната будзе рэканструяваны: палова яго застанецца пад інтэрнат, у другой частцы будуць пабудаваны аднапакаёвыя кватэры. Ужо ствараецца новы жыллёвы каператыў пад гэтыя аднапакаёўкі”.

Праект на рэканструкцыю будынка інтэрната будзе выкананы ў гэтым годзе. Трэба сказаць, што яго распрацоўку аплаціла прадпрыемства. Гэта зробіць кошт кватэр для членаў кааператыва некалькі танней.

Уладзімір Амяльчэня

Новы дом лля “Купалінкі”.

Ідзе засяленне.

Каля кожнага з чатырох пад’ездаў вось столькі картону з-пад упаковак мэблі.

Таццяна Грак: “Дзякуй дырэктару Мікалаю Яфімчыку…”