Выстава з горкім прысмакам

3

Настаўнікі Салігорскай мастацкай школы 17 чэрвеня ў зале краяведчага музея зрабілі выставу сваіх работ.

З’ява гэта рэдкая ў Салігорску, таму на адкрыццё прыйшлі мясцовыя мастакі, навучэнцы мастацкай школы і шматлікія жыхары горада. Але нікога не было ад мясцовай улады. Чаму так здарылася, невядома. Можна меркаваць, што ўладам не хацелася глынаць горкі прысмак, які панаваў на выставе. Справа ў тым, што мастацкую школу высяляюць з памяшкання 9-й школы.

«Мастацкая школа займала 10 класаў на другім паверсе 9-й школы многа гадоў. Гэта давала магчымасць набіраць і вучыць выяўленчаму мастацтву штогод ад 300 да 400 дзяцей, — расказала дырэктар мастацкай школы Яніна Круковіч. — Цяпер нам прапануюць некалькі класаў у памяшканні ЦДТ. Але гэтыя памяшканні занадта малыя, у такім пакоі больш за пяць дзяцей не пасадзіш. Таму прыём дзяцей у мастацкую школу пад пагрозай зрыву. Крыўдна слухаць прапановы і аб скарачэнні колькасці навучэнцаў. Наша мастацкая школа добра вядома далёка за межамі рэспублікі, у сваёй спадчыне мае болей за 500 Дыпломаў з розных краін і 20 медалёў. Многія навучэнцы пасля школы паступаюць у вышэйшыя мастацкія навучальныя ўстановы, а з 15 педагогаў 10 — былыя нашы выпускнікі».

Реклама

Патрэба выселіць мастацкую школу паўстала з прычыны пераўтварэння 9-й школы ў гімназію.
Якія б горкія ноткі не гучалі ў час адкрыцця выставы, некаторыя педагогі з удзячнасцю ўспаміналі далёкае сваё дзяцінства, калі ўпершыню пераступілі парог мастацкай школы, а дзіцячае захапленне маляваць стала сэнсам усяго жыцця.

«Я буду паступаць на архітэктурны факультэт, — сказала Наташа Саўчук, вучаніца школы. — Гэта стала магчыма толькі дзякуючы педагогам мастацкай школы, якія далі мне мастацкі погляд і навучылі ўменню перанесці ўбачаннае на паперу».

Уладзімір Амяльчэня

Агляд выставы.

Дырэктар школы Яніна Іванаўна Круковіч.

Агляд мастацкіх твораў.

3 комментариев
Межтекстовые Отзывы
Посмотреть все комментарии
Wanderer
Wanderer
22 июня 2011 10:51

Пейзажики, натюрмортики. Красивенько, но скушноватенько. Самовыражение творца отсутствует. Для учеников было бы нормально. Для учителей слабоватенько.

Wanderer
Wanderer
22 июня 2011 10:54

Но галлерея дело хорошее. Иногда хочется и на пейзажики полюбоваться.

Павел
Павел
3 июля 2011 00:46

па-беларуску — музей краяЗНАЎЧЫ