Угодкі царквы адзначылі бітвай

0

У Салігорску 12 снежня Чыжэвіцкая Пакроўская царква адзначыла сваё 215-годдзе, на якое прыбыў Мітрапаліт Мінскі і Слуцкі Філарэт.

Да гэтага святкавання добра падрыхтаваліся. Была добраўпарадкавана тэрыторыя храма і пад’яздныя пуці да яго. На самім царкоўным комплексе зроблены вялікія аднаўленні: усюды зіхацяць свежыя фарбы, сцены атрымалі новую роспісь, намаляваны новыя карціны па біблейскім сказанням.
Пасля богаслужэння, якое правёў Мітрапаліт, адбылося цікавае відовішча — рэканструкцыя бітвы расійскага войска з напалеонаўскімі салдатамі.
Як сведчыць гісторыя, каля Пакроўскай царквы ў 1812 годзе атрад партызан пад кіраўніцтвам князя Вітгенштэйна і мясцовага памешчыка Корсака захапіў у палон адступаючы атрад французаў пад камандаваннем Мішэля Дзюпона.
У гонар гэтай перамогі перад царкоўным комплексам быў рэканструіраваны бой паміж французскімі і рускімі войскамі. Яго ажыццявілі ўдзельнікі гістарычнага клуба з Барысава. Відовішча мела вялікую цікавасць у прысутных. За бітвай назіралі Мітрапаліт Філарэт, старшыня райвыканкама Аляксандр Рымашэўскі, старшыня раённага савета Лідзія Клішэвіч. Уладыка Філарэт падзякаваў салдат за «перамогу над французамі» і пажадаў, каб на беларускай зямлі ніколі не чулася выбухаў выйны.

Уладзімір Амяльчэня

Реклама

Фота: Уладзімір Амяльчэня

КАЛЯ ПАКРОЎСКАЙ ЦАРКВЫ. Рэканструкцыя бою паміж французскімі і рускімі войскамі сабрала каля сотні назіральнікаў.

0 комментариев
Межтекстовые Отзывы
Посмотреть все комментарии