Лепшыя лялькі рэгіёна выставяць у галерэі мастацтваў

0

Слуцкі народны цэнтр народнай творчасці 11 верасня зладзіў рэгіянальнае свята-конкурс “Беларуская лялька” (фотарэпартаж са свята глядзіце тут). Араганізатары свята плануюць адкрыць выставы лялек – пераможцаў конкурса – у Слуцкай галерэі мастацтваў і Квасыніцкім цэнтры рамёстваў.

“У гэтым свяце прынялі удзел больш за 50 майстроў з адзінаццаці раёнаў рэгіёна. Усе ўдзельнікі атрымалі дыпломы, а лепшых лялечнікаў адзначылі ў сямі розных намінацыях, — сказала Таццяна Іванова, дырэктар цэнтра. – Журы узначальвала Ганна Барвенава, кандыдат мастацтвазнаўства, дацэнт Беларускага дзяржаўнага ўніверсітэта культуры і мастацтва”.

У намінацыі “Лепшая тэкстыльная лялька у этнаграфічным ці гістарычным касцюме” лаўрэатам стаў Старадарожскі раён. Лепшыя ільняныя лялькі вырабляюць у Квасыніцкім цэнтры рамёстваў. Лепшую калекцыю хатніх работ прадставілі на конкурсе майстры Слуцкага цэнтра дзіцячай творчасці. У намінацыі “Лепшая лялечная кампазіцыя” былі вызначаны адразу тры пераможцы. У іх ліку – Салігорскі раён і Слуцкі каледж перапрацоўчай прамысловасці. Сярод пераможцаў у намінацыі “Традыцыйная лялька майго рэгіёна” – майстры з Любанскага раёна.

Реклама

Таццяна Іванова адзначыла, што свята-конкурс “Беларуская лялька” праводзілася ў Слуцку другі раз. Па традыцыі – раз на тры гады. Наступным разам у 2013-ым у Слуцк з’едуцца лялечнікі з усёй Мінскай вобласці.

Таццяна Гусева

0 комментариев
Межтекстовые Отзывы
Посмотреть все комментарии