Пішам па-беларуску

1
Юрий Владимирович

Напярэдадні Дня беларускага пісьменства, што адзначаецца 6 верасня, рэдакцыя пацікавілася ў жыхароў рэгіёна, як часта яны пішуць на беларускай мове.

Ігар Эпштэйн, пенсіянер (Слуцк):
— Пісаць па-беларуску даводзіцца рэдка. Але мову вельмі люблю, дзякуючы добраму настаўніку школы № 3 Уладзіміру Іванавічу Пенязю. На беларускай мове многа чытаю.

Ігар Эпштэйн

Реклама

Віктар Міхайлавіч, загадчык сектара аховы дзяцінства аддзела адукацыі Слуцкага райвыканкама:
— Шкада, беларускай мовай у справаводстве карыстаюся мала, чытаю добра і з жаданнем. Хочацца, каб родная мова нашла большы ўжытак

Віктар Міхайлавіч

Юлія Хаміцэвіч, (Салігорск):
— Па адукацыі я беларускі філолаг. Першым маім месцам працы была раённая газета, дзе на пасадзе карэктара часта папраўляла беларускамоўныя тэксты. Гэта мне вельмі падабалася. Але пазней перашла працаваць у другую рэдакцыю. Тут ужо беларуская мова — вялікая рэдкасць.

Юлія Хаміцэвіч

Сяргей Бондараў, (Салігорск):
— Асабліва няма чым і пахваліцца. З беларускай мовай сутыкаюся, калі гляджу некаторыя перадачы на рэспубліканскіх тэлеканалах ці чытаю невялікай колькасці газетныя артыкулы. Як ні горка, але гэта факт.

Сяргей Бондараў

Апытвалі Уладзімір Амяльчэняі Варвара Чаркоўская

1 Комментарий
Межтекстовые Отзывы
Посмотреть все комментарии
Vitæ
Vitæ
6 сентября 2009 15:38

Так, пытаць пра размовы па-беларуску было б ужо зусім бязглузда 🙁