390 год старэйшай школе Беларусi

0

Слуцкая гарадская арганiзацыя Грамадскага аб’яднання «Таварыства беларускай мовы iмя Францiшка Скарыны» абвяшчае конкурс.

Заснаванае ў 1617 годзе князем Янушам VI Радзiвiлам у Слуцку кальвiнiсцкае вучылiшча дало пачатак Слуцкай гiмназii, якая ўжо 390 год працуе на карысць Бацькаўшчыны.
Дзякуючы найвыдатнейшым педагогам, Слуцкая школа з’яўлялася перадавым цэнтрам педагагiчнай думкi еўрапейскага ўзору. «Не ўладарыць над свядомасцю, а выхоўваць норавы i прыцягваць моладзь да навукi», — такой была фiласофiя «бастыёну гуманiзму» ва ўмовах шматканфесiйнасцi Слуцкага княства часоў ВКЛ.
Гiстарычная i культурная спадчына тых асобаў, якiя жылi i працавалі ў нашай малой айчыне, тых, хто ў змаганнi, працы, творчасцi здабываў славу i гонар школе, наш неацэнны скарб, якi мы не маем права згубiць.
***
Тэматыка конкурсу ахоплiвае гiсторыю Слуцкай гiмназii i асабiстую гiсторыю яе выпускнiкоў, а таксама ментальнасць нашага народу, яго дзяржаўныя традыцыi, прававыя i культурныя нормы i iнстытуты.
Да ўдзелу ў конкурсе запрашаюцца вучнi школ, лiцэяў, гiмназiй, а таксама навучэнцы каледжаў, ПТВ, тэхнiкумаў i г. д. Прымаюцца мастацкiя i дакументальна-публiцыстычныя пiсьмовыя творы розных жанраў, а менавiта: апавяданнi, нарысы, вершы, паэмы, песнi, эсэ i iншыя.
Прымаюцца таксама жывапiсныя i графiчныя творы выяўленчага мастацтва: партрэты, пейзажы, гiстарычныя i батальныя карцiны, шаржы, малюнкi, рэпрадукцыi мапаў, гербы i iншае. Да графiчнай працы фармату А-3 цi А-4 неабходна дадаць пiсьмовае тлумачэнне сэнсу твору.
Удзельнiкi могуць прапанаваць i iншыя тыпы твораў, якiя будуць мець дачыненне да гiсторыi Слуцкай гiмназii.
Праца можа быць выканана як iндывiдуальна, так i групай; як самастойна, так i з дапамогай кiраўнiка. Кiраўнiком (куратарам) працы можа быць настаўнiк, выхавацель, бiблiятэкар альбо хтосьцi з сям’i аўтара. Адзiн куратар можа прымаць удзел у падрыхтоўцы некалькiх прац. Мова пiсьмовай працы — беларуская.
Журы конкурсу вызначыць па 3 лепшыя работы ў кожным жанры. Пераможцы будуць узнагароджаны сувенiрамi. Кожны ўдзельнiк конкурсу атрымае кнiгу з аўтографам аўтара.
Прыём прац з паметкай «Конкурс — гiмназiя» ажыццяўляецца да 10 снежня 2007 г. Грунтоўныя працы прымаюцца i ў больш познi тэрмiн.

Мікалай Курыльчык, старшыня гарадской арганізацыі

Реклама

Дасылайце лісты
Працы дасылаць на адрас:
1) 223 610 Слуцк, Галоўпаштамт, п/с 23
2) e-mail: baradzied@tut.by
Даведкi па тэлефонах: 657−90−45, 854−31−53

0 комментариев
Межтекстовые Отзывы
Посмотреть все комментарии