Сегодня вторник, 12 декабря +5
    Слуцк

    Шушкевіч выказаўся пра слуцкіх герояў

    Ініцыятар кампаніі за ўсталяванне помніка слуцкім паўстанцам Аліна Нагорная разам са Станіславам Шушкевічам.
    Ініцыятар кампаніі за ўсталяванне помніка слуцкім паўстанцам Аліна Нагорная разам са Станіславам Шушкевічам. Фота: медыяслужба «Дзеі»
    • Новые объявления
    • СДАМ 1-комн. квартиру, г. Слуцк, ул.8 Марта, без мебели. т.(8 029) 105 81 70

      СДАМ в аренду обустроенное рабочее место парикмахера в центре г. Слуцка. ИП Марачковская Л.А. УНП 691 977 041 т.(8 044) 746 95 35

      СДАМ гараж в р-не 1 в/г. т.(8 029) 341 64 67

    Случчанка Аліна Нагорная, якая ладзіць у Слуцку кампанію за ўсталяванне помніка героям паўстання 1920 года, абмеркавала яе з першым кіраўніком незалежнай Беларусі Станіславам Шушкевічам.

    Гэтая сустрэча адбылася ў межах размовы «Аб станаўленні незалежнасці Беларусі», што ладзілася ў «Арт Сядзібе» ў Мінску сябрамі грамадскай ініцыятывы, якія называюць сябе «Дзея».

    Падчас размовы са Станіславам Шушкевічам былі закранутыя шэраг беларускіх сучасных актуалій. Але палітык выказаў сваё меркаванне і па тэме Слуцкага паўстання і ўшанавання яго герояў.

    Фота: Медыяслужба «Дзеі»

    Чаму важна памятаць пра падзеі 1920 года на Случчыне

    Мы павінны ведаць нашу праўдзівую гісторыю. Яна так знявечана. У нас пануе іншая ідэалогія, і многія яе прытрымліваюцца. Калі не ўздымаць такія пытанні, як Слуцкі чын ці, напрыклад, кім быў для нас Сувораў, то мы будзем цалкам прарасійскай структурай. І нас не чакае нічога іншага, нічога лепшага. Гэта вельмі важнае пытанне. І добра, што вы (звярнуўся да Аліны) ім займаецеся.

    Чаму мясцовыя ўлады не хочуць усталяваць помнік героям паўстання

    Яны ж павінны ўзгадніць гэтае пытанне з ідэолагамі Адміністрацыі прэзідэнта. Яны не тое, што не хочуць. Яны баяцца нават гэтае пытанне ўзняць. Бо гэта пагражае ім абвінавачваннямі ў неразуменні палітыкі прэзідэнта. Таму яны і не хочуць звязвацца. Акрамя таго, яны не патрыятычна арыентаваныя людзі. Былі б такімі, то і не кіравалі б Случчынай пры сучаснай дзяржаўнай палітыцы.

    Таксама Аліна Нагорная падкрэсліла, што ў апошняй адмове на зварот аб дазволе ўсталяваць помнік мясцовыя ўлады спасылаліся на недахоп навуковых даследаванняў па дадзеных падзеях. І спытала, ці будзе шанец на станоўчыя вынікі, калі гістарычную аргументацыю даслаць у адпаведныя дзяржаўныя структуры? Гэтае пытанне Станіслаў Шушкевіч пракаментаваў наступным чынам:

    «Думаю, што яны не чыталі «Беларусь мяцежная» ці, напрыклад, «Слуцкі збройны чын у дакументах і ўспамінах». І яшчэ раз хачу падкрэсліць, што фактычна яны абвінавацяць вас у антырасійскіх падыходах. Гэта ідэя кшталту жадання змяніць назву вайсковага вучылішча імя Суворава на Астрожскага можа ўспрымацца як выступ супраць гісторыі Расійскай імперыі. Інакш утрымацца на сваіх пасадах яны не змогуць.

    Все публикации