Сегодня понедельник, 22 января -11
    Образование

    Пісьменніца Алена Масла правяла ўрок беларускай мовы ў Слуцкай СШ № 10 ім. Рубанава

    • Новые объявления
    • СДАМ 1-комн. квартиру, г. Слуцк, ул.8 Марта, без мебели. т.(8 029) 105 81 70

      СДАМ в аренду обустроенное рабочее место парикмахера в центре г. Слуцка. ИП Марачковская Л.А. УНП 691 977 041 т.(8 044) 746 95 35

      СДАМ гараж в р-не 1 в/г. т.(8 029) 341 64 67

    У сераду, 19 красавіка, для малодшых школьнікаў СШ № 10 ім. Рубанава пісьменніца-казачніца Алена Масла правяла ўрок беларускай мовы. Дзеці пазнаёміліся з творчасцю аўтара і пазналі, як размаўляюць героі яе твораў - незвычайныя жывёлы і казуркі.

    Пасля занятку ў размове з карэспандэнтам «Кур'ера» пісьменніца адзначыла, что слуцкія школьнікі добра ведаюць родную мову.

    «Варта адзначыць, што сёння пашырылася кола людзей, якія зацікаўлены ў папулярызацыі роднай мовы і літаратуры. На жаль, у нашай краіне ўзнікала неабходнасць захавання мовы», — падзялілася ўражаннямі пісьменніца.

    Нагадаем, што мерапрыемства прайшло ў рамках акцыі «Чытаем па-беларуску з velcom» пры падтрымцы Міністэрства адукацыі і мабільнага аператара velcom. Адным з першых гарадоў, куды прыехала каманда праекта, стаў Слуцк. У рамках праекта школьнікі краіны знаёмяцца з незвычайнымі настаўнікамі - прызнанымі дзеячамі культуры, спорту, тэатральнага мастацтва Беларусі.

    ВІДЭА. Алена Масла распавядае пра свой удзел у праекце «Размаўляем па-беларуску з velcom». Пісьменніца дзеліцца сваімі ўражаннямі пра Слуцк і мясцовых школьнікаў. Відэа: Анастасія Арлоўская

    Даведка «Кур'ера»

    Масла Алена Сцяпанаўна — пісьменніца. Нарадзілася ў 1967 годзе ў вёсцы Мілашова Мёрскага раёна Віцебскай вобласці ў сям'і настаўнікаў. Друкавацца пачала з 10 гадоў у часопісе «Бярозка».

    З 1984 па 1989 гг. — студэнтка БДУ (факультэт журналістыкі).

    Працавала фотакарэспандэнтам, рэдактарам краязнаўчага аддзела ў газеце, галоўным рэдактарам газеты. З 2006 года — загадчык рэдакцыі дзіцячай літаратуры выдавецтва «Мастацкая літаратура». Супрацоўнічае з выдавецтвам «Пачатковая школа».

    Все публикации